تصحيح مفاهيم خاطئة عن البزنس الاونلاين هتشجعك تبدأ

عملت سلسلة عن الكسب من البزنس الأونلاين ممكن تتفرجو عليها من هنا، لو مشوفتوهاش

أنا بدأت من ٢٠١٩ محاولة الكسب من البزنس الأونلاين، تحديداً بيع المعلومات. بمعنى إنى بحقق شىء معين وبعلم الناس ازاى عملت الحاجة فى في شكل محتوى مجانى ولو حد محتاج الدخول فى التفاصيل، بيبقى فى مقابل خدمة مدفوعة. بدأت الموضوع بالتدريب الأونلاين بعد ما دخلت بطولة، وبعد كده هاجرت، فطلعت خدمة خاصة بالهجرة، وبعدها عملت خدمة خاصة للناس اللى عايزة تغير مجالها لتكنولوجيا المعلومات.

خلينى أقولك الأول على مميزات النوع ده من البزنس وبعدين نتكلم عن المفاهيم الخاطئة ونصححها

الميزة الأولى

قدرتك على إختيار مجال إنت حابه فعلاً تقدم فيه خدمة للناس، فكرة حبك للشىء اللى بتشتغله وبتستمتع بيه نعمة كبيرة

الميزة التانية

البزنس الأونلاين أو نقل خبراتك بيشجعك تتطور وتتعلم أكثر لأن مقابل ليه حاجتين، أولاً زيادة خبرتك وثانياً زيادة دخلك عن طريق تقديمك لخدمات جديدة أو رفع سعرك نظراً لكمية المعلومات اللى بتقدمها

الميزة الثالثة

من خلال صناعتك للمحتوى، وتقديم المعلومة بطريقتك. إنت بتبنى علامة تجارية خاصة بيك، وهو ده أذكى شىء ممكن تعمله فى ظل التقدم الحالى الخاص بالذكاء الإصطناعى وإنك لازم يبقى عندك شىء فريد خاص بيك عشان الناس تختار تسمعك وتشترى منك. الذكاء الإصطناعى هيخلى المنافسة شرسة جداً واللى هيشجع حد يختار منتج بتاع شخص عن منتج تانى هو إيمانه بالشخص ده وطريقته والحس البشرى عنده

الميزة الرابعة

مفيش سقف للخدمات اللى بتقدمها، فى حالة إهتمامك بشىء معين حابب إنك تقدم محتوى عنه، سعتها ممكن تعرض على الناس خدمتك المدفوعة، بسبب إنك مستمر فى صناعة المحتوى وبتبنى علامة تجارية، الناس اللى بتقرا لك أو بتسمعك هتبقى لها نفس إهتماماتك وغالباً هتبقى مهتمة بالحاجات الجديدة اللى Tiktokإنت مهتم تتكلم عنها. على سبيل المثال، أنا بتكلم عن البرمجة فى

والناس المهتمة بالبرمجة بشكل ما مهتمة بالهجرة أو السفر وكذلك مهتمة بالفلسفة وتطوير الذات، وعشان معظم الناس دى شباب أو اعمارها صغيره، غالباً بيبقو حابين يطورو من شكل جسمهم وصحتهم بشكل عام. لذلك الخدمات اللى بقدمها غير منحصرة على شىء واحد فقط، دى النقطة اللى عايز أوصلها لك

فى مميزات لا حصر لها للنوع ده من البزنس وهى السبب إنى قررت أكمل فيه أكثر من أى نوع تانى

خلينا نتكلم عن المفاهيم الخاطئة

 المفهوم الأول 

لازم تبقى خبير فى الخدمة اللى بتقدمها، وده مش حقيقى. صانعى المحتوى مش هم أكثر ناس خبيرة فى المجال اللى بيتكلمو عنه، فى ناس أشطر بكتير موجودة ولكنها مبتظهرش، فى الحقيقة الناس اللى بتقدم محتوى وبتفيد الناس حتى لو كانت خبرتها أقل منطقى إنها تتكافىء لأنها بتفيد الناس

الناس مش بالضرورة بتدور على خبير، الناس عايزة شخص قريب منها، شخص يكون سابقها بخطوة أو خطوتين مش ٢٠ خطوة ، الشخص اللى قريب من سنك وحقق حاجة إنت عايز توصلها بيبقى مناسب أكثر من شخص أكبر منك بكتير فى السن وخبرته أكثر منك بعشرات السنين، بسبب أقدميته، ممكن أصلاً ميكونش عارف أفضل الطرق عشان يوصلك لهدفك.

البرمجة من ١٠ و ١٢ سنة غير السنة دى، قوانين الهجرة إتغيرت عن سنة وسنتين فاتو، وزى ما قلت عامل السن وتقارب التفكير بيفرق. فإنت لو حسيت نفسك حققت شىء في ناس عايزه توصله، سعتها إنت مستعد تبدأ

ولكن لو حاسس إن معندكش خبرة فى شىء ما، سعتها ده المفروض يبقى دافع لك إنك تبدأ تطور من نفسك وتوثق رحلتك! الموضوع ده فعال جداً وشفنا ناس إتبعت الإستراتيجية دى إنها توثق مراحل تطورها وغيرهم Imag Gadzhi وتعلمها من خلال المحتوى زى

المفهوم الثانى

السوق متشبع ، إنت عارف في كام مدرب أونلاين بيعمل أكثر من ١٠ آلالاف دولار فى الشهر وأكثر؟ كتير جداً

ليه كلهم بيشتغلو؟ مع إن المفروض السوق يبقى متشبع! عشان كل واحد منهم ليهم طريقته، كل واحد بنى العلامه التجارية الخاصة بيه، فحتى لو فى منك كتير، طريقتك فى عرضك للمحتوى وحرصك على المصداقية وتوصيل المعلومة بطريقتك، هى اللى هتخلى فى ناس حابك تسمع منك إنت

الناس مش عايزة معلومة جديدة على قد ما هى عايزة تسمع رأيك وطريقتك فى سرد المعلومة

المفهوم الثالث

أنا معنديش متابعين كتير على وسائل التواصل الإجتماعى عشان أبيع، أنا ذكرت فى أحد الفيديوهات إنى أعرف حد عنده ٢٠٠٠ متابع على إنستجرام وبيعمل ١٥ ألف جنية إسترلينى وأكثر

عدد المتابعين غير مرتبط بالضرورة بالفلوس اللى بتدخلها شهرياً، لأن مش كل المتابعين عندهم إستعداد يشترو منك ، فلو عندك ٢٠٠٠ ولا ٣٠٠٠ متابع مهتمين فعلاً باللى بتقوله وعندهم إستعداد يدفعو مقابل خدماتك أفضل بكتير من ١٠٠ ألف مش مهتمين كفاية باللى بتقدمه

لو كنت شخص مهتم بمجال معين، سواء كان عندك خبرة فيه أو حابب تبدأ تذاكره، أنصحك تبدأ تعمل XوThreads محتوى عن طريق صناعة فيديوهات ونشرها أو حتى الكتابة على  

زى ما انا بعمل أحياناً وفى حالة عدم إستعدادك لإظهار وجهك

إحنا شغالين على كورس عشان يساعدك تبدأ من الصفر! لحد ما تدخل أولا دولار فى البنك عندك

لو مكنتش سجلت إسمك فى قائمة الإنتظار ممكن تسجله فى الفورم دى

https://docs.google.com/spreadsheets/d/1WhToL18WAtn_v3Yr3JRtFQTnZiF8c6YEhfA7D3Sg6ho/edit?gid=1711438306#gid=1711438306

هنتواصل بشكل مباشر مع اللى سجلهم إسمهم فى قائمة الإنتظار عشان يخدو ٥٠٪ خصم

كمان لو عايز تدخل معايا إجتماع خاص بموضوع صناعة المحتوى وإنك تبدأ بزنس اونلاين، ممكن تحجز من هنا

https://www.thehadedy.com/consultancy

إنتظرو الإيميل الجى

أخوكم أحمد الحديدى