إنت مش محتاج أى حاجة زيادة عشان تعمل فلوس أكثر

كلنا مستنين الوقت المناسب، الوقت المناسب لكل حاجة المفروض نبدءها، الجيم، الدايت أو حتى إننا نحسن دخلنا. الحقيقة الوقت المناسب عمره ما هييجى. كل مرة كنت بدخل فيها إجتماع مع حد بنتكلم عن التغذيه وممكن نقعد ساعه أو أكثر نناقش هنعمل ايه، وألاقيه بيقولى هبدأ بس مستنى الوقت المناسب، ببقى متأكد ١٠٠٪ إنه مش هيبدأ.

من أول ما بدأ وعيى يزيد، عرفت إن الظروف عمرها ما هتكون مثالية، دايماً هتلاقى فى عائق قدام الحاجة اللى عايز تعملها، هتلاقى نفسك بتخلص شغل متأخر وتعبان فى أغلب الأوقات، معندكش وقت إنك تعمل أكل صحى فى البيت. وهى نفس العقلية اللى كلنا وأنا نفسى كنت بفكر بيها لما فكرت أبدأ محتوى وأحاول أبيع خدماتى، هستنى الوقت المناسب لما تكون خبرتى أكبر.

مهما زادت معلوماتك وخبرتك، عمرها ما هتكون كافية. المعلومات فى العالم بشكل عام بتزيد حرفياً يومياً . تقريباً بتزيد الضعف كل سنة. مع التقدم الرهيب ده، مستحيل شخص يبقى ملم بكل شىء، حتى لو متخصص بشكل كبير فى مجال محدد

ولا لا، بس هو بإختصار إن كل ما زاد علمك The Dunning-Kruger Effect معرفش سمعتو عن مصطلح

ومعرفتك بشىء معين، كل ما زاد إحساسك بجهلك وإنك محتاج تعرف أكثر، وهتحس إن الوقت لسا غير مناسب عشان تستغل خبرتك

أنا أجلت صناعة المحتوى، وتدريب الناس فى الجيم، وبعدها أونلاين لسنين، فاكر إنى لسا مش جاهز. طبعاً مش معنى كلامى إنك تكون قارى عن شىء بشكل عام وتقدم محتوى عنه وخدمات مدفوعة فيه فيما بعد. ولكن النقطة اللى عايز أوصلها لك، إنك محتاج تطلع من دماغك موضوع إنك لازم تستنى الوقت المثالى أو الوقت اللى هتبقى ملم فيه بكل شىء، عشان عمره ما هييجى

فى أغلب الوقت، الناس محتاجة تسمع شخص سبقها فى شىء، كان عنده الشغف إنه يدرس حاجة معينه أو يتقن مهارة وكمل فيها للاخر، هو ده بالظبط السبب اللى عشانه بتتابعنى

المشكلة إنك بتقارن نفسك بحد تانى سابقك بكتير، وبتفتكر إنك لازم تستنى الوقت اللى هتبقى زيه، بس الشخص ده بدأ زيك وممكن أقل منك

طيب تعمل أيه؟

إبدأ

لو إنت شخص عندك خبرة فى مجال ما، سواء التدريب، متقن للغة معينة، سافرت دولة معينة أو خدت إقامة فى دولة ما ومعندكش فلوس إنك تفتح شركة وعايز تبدأ تستثمر فى شىء ممكن يجيب لك فلوس فيما بعد.

أو x إعمل محتوى عن الشىء اللى أنجزته. مش لازم تظهر بوشك، إبدأ إكتب وعبر عن أفكارك على

Threads

فيما بعد هتقدر تكسب فلوس من خدماتك دى، وعملت قائمة فيديوهات خاصة بالموضوع ده ممكن تراجعها من هنا

لو معندكش خبرة فى شىء ما ، إبدأ فى تعلم شىء وإعمل محتوى عنه وإتكلم عن تجربتك وتقدمك، صدقنى فى ناس هتحب تتفرج عليك وتقرا لك، الناس بتحب رحلات الكفاح

فى ناس كتيرة عملت كده، منهم ناس نقلت تجربتها فى تعلم لغة معينه، أو مهارة معينه

الكلام ده لا ينطبق فقط على صناعة المحتوى، ولكنه ينطبق على أى شىء سواء كان دايت بقالك شهور عايز 😅تبدأه أو جيم بقالك سنين عايز تروحه أو كورس بقالك قرون عايز تذاكره

ولكن بما إننا بنتكلم عن صناعة المحتوى وكسب فلوس من خبرتك، فى خبر كويس جداً وأنا ببتسم والله وأنا بكتب الكلام ده، إحنا شغالين على كورس حالياً خاص بالموضوع ده تحديداً. هيعلمك إزاى تبدأ من الصفر. إزاى تعمل محتوى وتكسب فلوس من الحاجة اللى عندك خبرة فيها مهما كانت. الكورس مش مخصص لمجال محدد ولكن هى الإستراتيجية اللى إتبعتها وبتبعها شخصياً عشان أكسب أونلاين

الكورس ده كنت أتمنى يبقى موجود لما بدأت، كان هيوفر عليا وقت وفلوس كتير

عشان نحمس الناس إنها تشترك، أول ٥٠ شخص هيسجلو فى قائمة الإنتظار، هيحصلو على خصم %50

لو مهتم بالكورس ده ممكن تملى الفورم من هنا

أول ما ننتهى من الكورس، هبعت للناس اللى سجلت بياناتها وهيبقى أول من يعلم

بتمنى لكم كل التوفيق

أخوكم أحمد الحديدى