أهم مهارة لازم تطورها فى ٢٠٢٥

لو هنحدد مهارة واحدة لو عندك حياتك هتتحول تماماً، هى مهارة التركيز! لذلك عملت فيديوهات عنها قبل كده زى فيديو إزاى بدخل مرحلة تركيز وكأن حياتى متوقفة عليها

ممكن تشوف الفيديو من هنا

deep workالتركيز بشكل عام أو إنك تدخل فى منطقة التركيز العميق أو ال

relevant مهمة جداً فى العصر الحالى لأن التكنولوجيا بتطير ولازم تبقى

أو بتقدم شىء للناس مستعدة إنها تدفع لك عليه فلوس سواء مهارتك فى شغلة أو خدمة معينة بيقدمها البزنس بتاعك. ففى حالة تشتتك الدائم، فرصة تحقيقك شىء فى العصر ده بتقل.

الحاجة التانية فى حالة قدرتك على تقديم شىء مفيد للناس، فرصة نجاحك بتبقى كبيرة جداً لقدرتك للوصول للناس دى عن طريق السوشيال ميديا، لكن فى نفس الوقت لو كنت تقليدي الناس هتروح لبديل تانى أفضل.

المهارة دى مهمة جداً لأن أى شخص بيحاول ينجح حالياً كفرد أو شركات كبيرة بيحاولو يجذبو إنتباه أكبر قدر من الأشخاص عشان يشترو منتجاتهم، فبيصرفو فلوس فى التسويق والإعلانات عشان الناس تشاهد محتواهم بصرف النظر إذا كان المحتوى ده مفيد أو لا.

التركيز والشغل أو المذاكرة بدون تشتيت بيدى نوع من السعادة بيخليك إنك بتنجز شىء مهم وبيدى معنى للحياة عموماً على عكس لما بيبقى سهل تشتيتك بشكل مستمر ومبتكملش فى أى حاجة بتبدأها.

بتحس إنك سهل السيطرة عليك وبالضرورة بتحس بتأنيب ضمير لما ده بيحصل

flow stateفكرة وصولك لمرحلة لمرحلة ال

أو تركيزك فى شغلك بدون أى مشتتات سيكولوجياً بتديك إحساس سعادة كبير، القدر من السعادة ده مكنتش بحسه لما كنت بتشتت بشكل مستمر بالتليفون وقت المذاكرة أو محاولتى إنى أخلص شىء مطلوب منى.

الوقت اللى بتركز فيه بشكل كبير ممكن يحول حياتك حرفياً لأن فكرة التركيز هى مضاعف إنتاجية

تطور التكنولوجيا زود من فرصة إستبدال الشخص العادى أو المتخصص فى شىء معين زيادة عن اللزوم، أو الشخص اللى مبيحاولش جاهداً إنه يعمل شىء إستثنائى مفيد للناس.

الشركات بدأت فعلياً تستبدل موظفين بمكن أو بأدوات ذكاء إصطناعى، زى خدمة العملاء وغيرهم.

وبسبب حدوث أزمات عالمية زى الكرونا، خلت الشركات تفكر برا الصندوق، فلجأت إنها تروح لمفهوم العمل عن بعد والتوفير فى النفقات بإنها تعين ناس تشتغل عن بعد بفلوس أقل.

فبالتالى حتى لو كنت عايز تسافر عشان تحسن دخلك، لازم تكون متقن لمهارة الشركات يكون عندها سبب إنها تدفع لك مقابل لها فلوس هتكون تقريباً ضعف اللى ممكن تدفعه على تعين حد من بره

ففكرة إن الشغل اللى بتشتغله ممكن يتعمله automation أو ميكنة يستدعى إنك تفكر فى طرق تخليك تبقى إستثنائى ومش هتحقق ده وإنت مشتت.

التركيز مهارة، بالتالى إنت قادر لا شك إنك تطورها. وعشان تطور أى شىء عموماً لازم تدخل نفسك فى حالة من عدم الراحة لوقت معين. إنك تعمل شىء غير المألوف أو عكس اللى متعود عليه.

لو عايز تتقن لغة مثلاً، لازم تدخل نفسك فى مواقف غير مريحة زى إنك تتكلم مع حد بلغته الأم، أو إنك تبدأ تحاول تتكلم قدام الكاميرا فى حالة لو كنت عايز توصل إنك تبقى صانع محتوى مثلاً

محاولتك التركيز بدون ما تمسك الموبايل هو شىء غير مريح ولكنك لازم تتدرب عليه لو عايز تتقنه!

السبب التانى اللى عشانه لازم تتدرب على التركيز هو إنك لما بتسيطر على مخك تماماً إنه يركز فى الشىء اللى بتحاول تنجزه، بيخليك توجه كل طاقتك الذهنية فى إتقان الشيىئ ده، بتتعلم أكثر، وكمان الحاجة دى بتثبت فى دماغك لما بتترب على فكرة إنك تسيب الكتاب أو الكمبيوتر اللى قاعد عليه بعد فترة وركز تركيز تام لدقائق إنك تفتكر وتحلل اللى ذاكرته، وتحاول تشرحه وكأنك بتقوله لشخص ميعرفش حاجة عن الموضوع. ده مبياخدش منك وقت وكمان بيثبت المعلومة فى دماغك

الطريقة دى إسمها active recall وفكرتها إنك بتحاول تركز ولو لمدة قصيرة إنك تفتكر اللى ذاكرته بدون ما تبص على الملاحظات اللى كتبتها بإيدك.

فى رأيى إنك التحدى فى البداية هو إنك تدخل فى منطقة التركيز بدون التشتيت ولما بتعمل ده لدقائق بتدخل فى ما يسمى بال flow state. الموضوع زى ما تكون خارج من الشغل مش قادر تروح الجيم وعايز تنام، بس بتجبر نفسك إنك تروح ولما بتوصل وتبدأ تمرين، بتدخل فى المود وأحياناً التمرينة بتبقى ممتعة لدرجة إنك مش عايز تروح! فمتتوقعش إنك هتدخل فى ال flow أو مرحلة الإستمتاع أو إنك متحسش بالوقت وإنت بتذاكر أو بتشتغل فى البداية!

.لازم الأول تركز بشكل متعمد

الموضوع ده هتكلم عنه بالتفصيل فى الحلقة الجاية يوم السبت الساعة ٨ مساءً بتوقيت دبى

أشوفكم فى الأيميل الجى

أخوكم أحمد الحديدى

كتاب - دليل الهجرة لكندا

كتاب- إزاى تنشف وتضخم

الإستشارات

https://www.thehadedy.com/consultancy