خدعة الفلوس اللى وقعت فيها لحد سن ٢٩

الفلوس مهمة، بتديلك فرصة إنك تشترى اللى إنت عايزه وتسعد اللى حواليك، ولكنها ممكن توصلك إنك تبقى تعيس فى حالة إرتباطك بيها بشكل كامل وإنك تخليها دايماً فى أولوياتك. خلينى أشرح لك

أنا إتولدت فى أسرة متوسطة، أو فوق المتوسطة بشويه ومكنتش بقدر أجيب كل اللى نفسى فيه، الموضوع خلانى مهتم دايماً إنى ألاقى طريقة أجيب بيها فلوس أكثر، بداية من إختيار مجال يكون فيه فلوس كويسه، لحد السفر والسعى دايماً إنى أروح شركات هتدينى مرتب أعلى.

تركيزى كان بشكل كامل على المادة مع إهمال أى عوامل تانية زى راحة الشغل والكلام ده.

مش مهم أى حاجة، بس أقبض مرتب أكبر وأقدر أسافر وأشترى اللى أنا عايزه، وهنا كانت المشكلة

Wealth و Richness أنا مكنتش فاهم الفرق بين الثراء والغنى. أو الفرق بين

وده مش كلام كتب ساذج زى إزاى تصبح مليونير فى اسبوع والكلام ده، الكلام أعمق من كده وأنا عشته

😃 أصبر عليا

ليه أصلاً لازم تفهم الموضوع ده حتى لو كنت فى بداية حياتك

عشان أولاً مش لازم توصل لمبلغ كبير من المال عشان تبدأ جودة حياتك تبقى أسوء من حيث حالتك النفسية وراحة البال، وثانياً إدراكك للموضوع نفسه بدرى هيخليك تفهم قبل ما تقع فيه وهتعدل مسارك

قبل كده Naval Ravikant فى مقولة حلوة قالها

"The most dangerous things are heroin and a monthly salary."

اخطر حاجتين هما الهيروين والمرتب اللى بتتقاضاه كل شهر

أكيد مش كل الناس هتتخرج وتبقى رائدين أعمال وهيشتغلو على العمل الخاص بتعهم، فى مراحل لازم ولا بد تمر بيها.

زى الإجتهاد فى الثانوية، محاولتك إنك تجيب مجموع وتدخل كليه كويسه، لأن ده الكارت اللى هيفتح لك أبواب فيما بعد، ولكن الخطأ الأكبر هو الإنجراف فى المسار ده وعدم إدراكك عدم وجود أى مسارات تانية

أنا إشتغلت فى شركات صغيره وكبيرة، وشفت ناس فى مصر بتتقاضى راتب فوق ال ٧٠ و ٨٠ ألف جنيه مصرى فى ٢٠١٣ و ٢٠١٤ وناس بتتقاضى راتب فى ال ٨٠ ألف درهم إماراتى فى ٢٠٢٢ و ٢٠٢٣

الناس دى غنية، لكنها ليست ثرية

مصدر دخل الناس دى الوحيد هو الوظيفة اللى بيشتغلوها، فى حالة كرههم للوظيفة فهم فعلياً معندهمش أى إختيار تانى

لو محتاجين يخدو أجازه لمدة اسبوعين تلاته، أو حتى شهر، غالباً هيبقى فى صعوبة. ده مش ثراء

طبعاً درجة معاناة الموظفين من النوع ده بتختلف حسب حجم الشركة والمسمى الوظيفى لهم وكذلك مهامهم، ولكن دى الفكرة

ما هو الثراء؟

الثراء هو وجود مصدر دخل وإن كان حتى واحد (يفضل أكثر من واحد) يشتغل لك بدون ضرورة وجودك بشكل كامل أو إنك تبيع وقتك، أو المعطيات اللى بتدخلها بتساوى المخرجات، والأسوء أقل منها (وده الحال أحياناً فى وظيفة الدوام الكامل)

فى حالة كرهك لأياً من مصادر الدخل (الدوام الكامل مثلاً) فتقدر تاخد مخاطرة وتسيبها

هعمل أيه دلوقتى وأنا خريج لسا أصلاً مشتغلتش أو واحد شغال ومش عايز أقع فى المشكلة دى؟

لو كنت خريج، لازم تمر بمرحلة إعتمادك على مصدر دخل واحد ولكن هنصحك تختار مجال يكون بيدى فلوس كويسه، أو بمعنى أصح على الأقل المعطيات اللى هتدخلها تساوى المخرجات، الوقت اللى بتشتغله بتاخد قدامه مقابل

هتعرف المجال اللى المفروض تدخل فيه إزاى؟

وشوف المرتبات حسب المسمى الوظيفى Glassdoorمحتاج تاخد وقتك فى البحث، إدخل على

بيديلك المرتبات حسب المسمى الوظيفى Indeed

Reddit أو Facebook groups إدخل على

إسأل Quora أو

وشوف عدد نتائج البحث الخاصة بالوظيفة فى المكان اللى انت موجود فيه LinkedIn إدخل على

الخطوة التانية إنك تستهلك كورسات خاصة بالوظيفة دى وتاخد وقتك فى قرارك إذا كانت مناسبة لك ولا لأ

دى المجالات اللى هختار ما بينها Software لو هدخل فى ال

https://youtube.com/shorts/GypBe0O_EeY?si=ES1OJ_JhxCcbWrw7 

بعد ما تشتغل وتجيب مرتب شهرى أو لو كنت بتشتغل حالياً إبدأ شىء خاص بك، إبدأ تحدى جديد جنب وظيفتك، إبدأ حاجة إنت شغوف بيها وبتحبها. صدقنى هتخليك تستمتع أصلاً بالدوام الكامل أكثر.

هتلاقى ليومك معنى. الحياة بتبقى مملة وقت طغيان الروتين بشكل كبير

عدم السعادة اللى بتمر بيها فى دوامك الكامل سببها الأكبر هو إنك إشتغلتها لمدة طويلة لدرجة إن الشغل أصبح روتينى وممل. لو الوظيفة فيها تحدى ما منطقى مناسب لقدراتك وهتقدر تتغلب عليه، الوظيفة نفيها (Flow هتبقى ممتعة (إقرأ كتاب

لو كان عندك رأس مال وعايز تبتدى مشروع ممكن تعمل كده، بس أنا شخصياً إخترت أقدم خدمات اونلاين زى التدريب وصناعة المحتوى بإستمرار والإعلان عن الحاجات اللى بقدمها فى المحتوى ده

لو عايز تبدء فى صناعة المحتوى وإنك تكسب فلوس اونلاين، أنا شرحت بالتفصيل اللى عملته فى الكورس اللى هينزل فى شهر فبراير بإذن الله، وهتكونو أول الناس اللى أبلغهم

أياً كان إختيارك، بزنس اونلاين أو إنك تبدأ تخطط لفتح مشروع، إبدأ حاجة خاصة بيك، إشتغل لنفسك بجانب وظيفتك لو شغال. الجنيه أو الدولار اللى بتجيبه لشغلك الخاص بيك إنت ليه طعم تانى غير لما بتشتغل لبزنس مش بتاعك

شكراً ليكم وربنا ينور بصيرتكم ويناولكم كل اللى فى بالكم

أخوكم أحمد الحديدى

الإستشارات 

كتاب دليل الهجرة لكندا

كتاب “إزاى تنشف وتضخم” - شرح مبادىء التغذية اللى محتاجها عشان توصل لجسمك المثالى