إزاى تزيد ثقتك فى نفسك - علمياً وعن تجربة

لكنه مهم! وهيفرق معاك فى حياتك. ثقتك بنفسك مرتبطة بشكل أساسى Clickbait الموضوع مش

بتقدمك فى أى حاجة لأنك لو عندك الميزة دى، هيبقى عندك جرأة إنك تجرب حاجات جديدة وبالتالى هتغلط وبالتالى فرصة وصولك هتبقى أكبر من واحد تانى معندوش ثقه فى نفسه ومبيجربش حاجة

ومفهومها إن إلتزامك بتحقيق أهداف حددتها self-determination theory (SDT) فى نظرية إسمها

لنفسك هتزيد إحترامك ليك كشخص حتى لو كانت الحاجات اللى إلتزمت بيها دى صغيرة.

القدر ده من الإحترام هو المسبب الرئيسى لزيادة ثقتك. القدر ده من الإحترام مبتكتسبوش لما يكون شكلك حلو، ولا معاك عربية أحدث موديل ولا قدر معين المال

علماء النفس ربطو كمية الدوبامين اللى بيفرزها الجسم بقدرتك على آداء مهام وعدت نفسك إنك تعملها بشكل مستمر مهما كانت المهام دى صغيرة

هل التمرين بشكل منتظم، والإلتزام بأكل صحى هيحسن وضعك المادى وحياتك بشكل مباشر؟

هو هيحسنهم ولكن بشكل غير مباشر وده اللى حصل معايا

إلتزامك إنك تروح الجيم لعدد أيام معينة كل إسبوع وتحكمك فى شهوتك إنك متاكلش أكل المفروض تاكله بيزيد من مدى إلتزامك بشكل عام واللى بالضرورة بتطبقه بشكل لا إرادى على كل حاجة فى حياتك.

بتلاقى نفسك بتلتزم بمذاكرة مادة معينة لعدد ساعات إنت حددتها، بتلتزم بتصوير حلقة فى وقت معين لو كنت صانع محتوى. والموضوع بيتضاعف!

بمعنى إنك كل ما بتلتزم أكثر، الموضوع بينطبق على مختلف الحاجات اللى بتحاول تعملها فى حياتك، وثقتك فى نفسك لا محالة بتزيد، اللى بالضرورة بتشجعك تدخل فى تحديات جديدة

فى مهارات ممكن نكتسبها بتخلينا نحول حياتنا! زى التركيز مثلاً وكذلك الثقة بالنفس، الموضوع ده إنت مبتتولدش بيه. طالما مهارة، إنت قادر تنميها

الموضوع تراكمى، وممكن تبدأه بحاجات صغيرة. أنا كنت مهمل لفترة فى قراءه الكتب، بدأت بقراءه . صفحتين يومياً من كتاب بحاول أخلصه، بعدها بدأت أزود عدد الصفحات. لو عايز تبدأ تتعود على نزول الجيم، وده اللى بعمله مع ناس بدربها بيحاولو ينمو العادة، حط لنفسك نص ساعة فى اليوم ل ٣ أيام فى الأسبوع، النص ساعة خلصت روح بعدها

الإسبوع اللى بعدها زود النص ساعة ل ٤٥ دقيقة، بعدها زود عدد الأيام، وهكذا. إلتزامك بالأشياء الصغيرة أولاً هيديك ثقة بنفسك إنك شخص يعتمد عليه، ثانياً هتقدر تبنى العادة مع الوقت

الخلاصة، ثقتك بنفسك بتزيد كل ما زاد إحترامك لنفسك وإلتزامك بوعودك. كل ما خذلت نفسك حتى لو مكنش حد عرف إنت عملت ايه، كل ما ثقتك بنفسك هتقل مهما جمعت من المال

أشوفكم فى الإيميل الجى

أخوكم أحمد الحديدى

كتاب “إزاى تنشف وتضخم” للوصول للشكل المثالى لك والمنطقى

كتاب "دليل الهجرة” - اللى محتاج تعمله عشان تهاجر لكندا بالتفصيل

الإستشارات العامة