لو انت موظف محتاج تقرا ده

وظيفة الدوام الكامل مش جحيم في المطلق زي ما الناس بتروج لها، إحنا بنحس بالجحيم وقت إدراكنا إن حياتنا متوقفة عليها! يعني لو وقّفت شغل مفيش لك مصدر دخل تاني! وعلى فكرة لو كنت شغال وظيفة كويسة، بالعكس لما بيبقى مرتبك كويس في وظيفتك ومستقرة زيادة عن اللزوم بيبقى الوضع مقلق أكثر لأنك مبتحاولش حتى تلاقي خطط بديلة.

عارف إمتى الدوام الكامل هيبقى ممتع؟ لما توصل لنقطة إن حياتك مش متوقفة عليه، لما متضغطش على نفسك إنك تقول حاضر ونعم لحاجة إنت من جواك مش متقبلها عشان عارف إنها هتأثر عليك ماديًا، لأن الشخص اللي هتعترض على كلامه متحكم في مرتبك.

وده مش كلام نظري، لأن ده اللي مريت بيه بالظبط!

أنا كنت بفكر جديًا إني أسيب الشغل تمامًا وفي لحظة عقل مني فكرت في اللي مدايقني فعلاً وكانت هي فكرة إني لما أكبر وأوصل لسن معين هبقى لسه مضطر أصحى بدري غصب عني عشان أنزل الشغل.

خطتي كانت في محاولتي إيجاد وسيلة إن يبقى ليا مصدر دخل تاني، يرضي تعدد شغفي، والدخل ده يبقى مستمر بشكل ما عشان لو قررت في وقت ما إني أسيب الوظيفة يبقى في خطة B.

حتى لو كنت حابب وظيفتك جدًا ومستمتع بشغلك، لو في فرصة تستمتع بحياتك أكثر وتعمل حاجة بتحبها وكمان تكسب منها دخل إضافي، ليه متعملش كده؟

في شوية مشاكل:

المشكلة الأولى هي الرهبة من الكاميرا وخوفك من حكم الناس عليك في الشغل، والنقطة دي هتتحل بإنك تفكر في الهدف من بدايتك في صناعة المحتوى، إنت بتعمل شيء ليك، حاجة لمستقبلك. وأنا واحد مريت بالتجربة دي واشتغلت مع ناس في mentorship programs وحسب خبرتي وخبرتهم، الناس هتتعود! صدقني في الشغل مديري نفسه بتظهر له فيديوهاتي على TikTok والموضوع كان مزعج بالنسبة لي في الأول، دلوقتي بقينا بناخد الموضوع بهزار. وحتى الناس اللي بتابع معاها وبدأوا في صناعة الفيديوهات، حاليًا عارفين إن الموضوع كان نفسي! اللي هتعمله مختلف، والنتيجة اللي هتوصلها مختلفة وعشان تبقى النتيجة مختلفة لازم تعمل شيء مختلف! خليك ورا مصلحتك!

المشكلة التانية وهي الوقت:

الموضوع ده طبيعي في الأول لأنك وقتك محدود بسبب دوامك الكامل، وكمان ممكن تكون بتذاكر حاجة معينة، ولكن لو خططت للموضوع صح هتقدر تتغلب على مشكلة الوقت. الموضوع ده شرحناه بالتفصيل في الكورس ولكن خليني أديكم فكرة سريعة عشان الإيميل ميطولش:

1. محتاج تكتب script بخطوط عريضة عن اللي هتتكلم فيه، بحيث الكلام يكون مسترسل والأفكار مرتبطة ببعضها (يفضل في بداية يومك وإنت مركز، ممكن تصحى ساعة بدري وتكتب أو حتى تخصص يوم أجازة تكتب فيه script).
2. تصوّر الفيديو الطويل وتنزله YouTube.
3. تقسم الفيديو الطويل لفيديوهات قصيرة تنزلها يوميًا على YouTube (كل يوم فيديو).
4. تاخد مقتطفات من الـ script اللي كتبته وتنزل tweets على X و Threads.
5. استمر.

المشكلة التالتة وهي إحباطك في الأول بسبب المشاهدات:

في الأول طبيعي ومنطقي مش هتلاقي مشاهدات عالية وده بسبب إن المنصة اللي بتنشر عليها لسه مش فاهمة نوعية المحتوى اللي بتنشره، وثانيًا وشك بيبقى لسه جديد ومعندكش محتوى الناس تستهلكه، ولكن لو استمريت أسبوعيًا في النشر، المنصة هترشح نوع المحتوى بتاعك لناس مهتمة بنفس النقط اللي بتتكلم فيها، والناس هتدخل على قناتك هتلاقي في محتوى قديم بتستهلكه.

مع تحقيق دخل جنب شغلك، هتلاقي في تحدي يومي ومتعة عمومًا في يومك وكمان هتزود دخلك!

الكورس بنشرح فيه بالتفصيل الممل إزاي تبدأ من الصفر في صناعة المحتوى، والأهم إنك بعد ما بتخلّص بنفضل معاك فبتقدر تسأل أي وقت على المجتمع لو واجهتك أي مشاكل، وكمان في مكالمات Zoom بنعملها بشكل مستمر بنتناقش في اللي بنعمله. جزء المجتمع والمكالمات مهم جدًا جدًا بحيث متبقاش لوحدك خلال الرحلة.

ممكن تشترك من هنا.

أشوفكم في الإيميل الجاي

أخوكم أحمد الحديدي،،