الامبالاه هى الحل

سبب أساسى من أسباب عدم إرتياحى بشكل كبير من أيام الدراسة وحتى الكلية وما بعدها لما إتخرجت وإشتغلت. إنى كنت مهتم بشكل زائد.

المبالاه بشكل زائد والإهتمام بآراء الناس إستنفذتنى وبتستنفذ طاقة ناس كتيرة، الطاقة دى ممكن تستغلها إنها حرفياً تحول حياتها

الإهتمام والمبالاه بشكل عام بيخليك تمشى فى طرق مهنية وإجتماعية إنت أصلاً مش عايزها.

إنت ماشى فيها والسبب الحقيقى هو إنك ترضى الناس اللى حواليك. الحاجة دى أنا مريت بيها لسنين طويلة، الحقيقة محستش بتغيير حقيقى فى حياتى إلا لما قدرت أتخلص من الإهتمام بشكل زائد مش بس بالأشخاص ولكن الأشياء نفسها.

stoicism البداية كانت لما قريت عن ال

وهو ده اللى خلانى عملت عنها سلسلة كاملة - ممكن تتفرج عليها من هنا

Epictetus بدأت أطبق مفاهيم أو مقولات مشهورة ل

زى إنك تهتم فقط باللى ليك القدرة على التحكم فيه. وفكرة إن إهتمامك الزائد بالنتيجة بيزود تشتتك عن الشغل نفسه تجاه الهدف غير إنه بيدمرك نفسياً. أدركت إن الإهتمام بشكل زائد بيسرع وصولك لمرحلة ال

أو إنك توصل لنقطة عدم القدرة إنك تكمل burn-out

الحقيقة كل ما هتفصل نفسك عن الأشخاص والإشياء وهتقلل إهتمامك بيهم، هتحس إن وضعك حتى المادى بيتحسن

لما بتهتم بكلام الناس إنت بتقفل دماغك تماماً عن الفرص اللى ممكن تحولك حياتك

هتستبعد كل فرصة إنك تذاكر لغة جديدة ممكن تخليك تسافر أو مهارة ما ممكن تخليك تشتغل فى الشركة اللى بتحلم تشتغل فيها. أو بزنس ممكن يحولك حياتك ويطلعك من شغلك اللى بتكرهه

فى بدايتى لما قررت أظهر قدام الكاميرا وأنزل فيديوهات على اليوتيوب، لقيت تعليقات كتيرة خلتنى فكرت جدياً إنى أحذف كل الفيديوهات. وحصل نفس الموقف لما قررت أغير مجالى وأشتغل مبرمج

أنا كنت هغير مستقبلى تماماً بسبب تعليق سخيف من شخص قاله لمجرد إنه بيستظرف، أو حتى لو نصح نصيحة بنية كويسه، الشخص اللى بينصحك هو بيقولك الحاجة اللى عايزك تبقى عليها من وجهة نظره هو، محتاج تسأل نفسك لما حد ينصحك نصيحة، إنت عايز تبقى زى الشخص ده؟ ليه تاخد نصيحة من حد عن صناعة المحتوى مثلاً وهو منزلش فيديو أصلاً فى حياته؟ ليه تاخد نصيحة من حد إنت مش عايز تبقى زيه؟

ده اللى بشوف الناس بتعمله! إحنا بنتعلم حتى من ناس محققوش اللى بيعلموه لينا

الامبالاه مش مرتبطة فقط بالأشخاص، ولكنها مرتبطة بالأشياء، زى الفلوس

فى كل مرة ركزت بشكل كبير على الفلوس، كل ما دخلى قل! وده لسببين

السبب الأول إنك لو بتقدم مثلاً خدمة اونلاين، على سبيل المثال بتدرب ناس اونلاين، لو ركزت بشكل كامل على الفلوس، وإنك تجيب عملاء أكثر وده كان هدفك الأول، بتلاقى نفسك بتبذل مجهود وطاقة فى إنك تجيب عملاء جدد، وده بيأثر لا محالة على مدى القيمة اللى بتقدمها للناس اللى عندك

السبب التانى إن ده بيأثر عليك انت شخصياً وبيقلل من حماسك إنك تطور نفسك عشان فيما بعد تقدر stoicism تعلى أصلاً سعرك. الموضوع مرتبط بمفهوم فى فلسفة ال

شغلك الشاغل بالمال ممكن يزود لك الفلوس على المدى القصير، لكن العكس على المدى البعيد

law of attraction and scarcity mindset اسمه

اللى توصلت له أخيراً واللى محتاج تعمله فعلاً إنك تعمل الحاجة اللى بتحبها بشغف وتحاول تقدم قيمة للناس تغير في حياتهم ويبقى ده تركيزك الأساسى. وتقلل إهتمامك وإرتباطك بشكل عام بالمال، صدقنى هتعمل فلوس أكثر

لو فى حاجة نفسك تبدأ فيها، أرجوك إبدء ولا تبالى بكلام أى حد، لأنك لو مبدأتش، هتندم، والشخص اللى مأثر عليه مش هينفعك. إحنا فى شهر يناير، معاك السنة كلها، عندك الفرصة إنك تعمل شىء مختلف

أشوفكم فى الإيميل الجى

أخوكم أحمد الحديدى

إستشارات صناعة المحتوى وكسب فلوس اونلاين

https://www.thehadedy.com/consultancy

الكتب