ده دليل إنك بتستخدم الذكاء الإصطناعى غلط

فى ناس مبتلاقيش نتيجة فعالة من الذكاء الإصطناعى سواء كان تشات جى بى تى أو

Grok

أو غيرهم، وده بيرجع لإنهم مبيوجهوش الآلة اللى بيستخدموها بطريقة صحيحة، بمعنى أصح بتعامل تشات جى بى تى على إنه إنسان

فى حالة سؤالك لشىء معين سواء تشات جى بى تى أو غيره، أولاً خليه مستعد و بشكل صحيح للموضوع اللى هتكلمه فيه، بمعنى لو كنت هتكلمه على حاجة فى الدايت، قوله إتكلم معايا على إنك خبير تغذية

Please talk to me as a dietician, or nutrition expert

تانى شىء خليك دقيق جداً فى السؤال اللى هتسأله، بمعنى سؤالك ميبقاش عام

على سبيل المثال، متقولوش إدينى دايت صحى يخسس وزنى وتسكت، بنسبة ٩٩٪ النتيجة هتطلع مش مظبوطة

الصح إنك تقوله

I am a 40-year-old man trying to lose body fat and gain muscle mass. My current weight is 100 kg, and my height is 180 cm. Please provide a diet plan consisting of 3-4 meals that excludes dairy and any foods with a glycemic index above 55.

أنا سنى ٤٠ سنة، بحاول أخس دهون وأكسب كتلة عضلية. وزنى ١٠٠ كجم، وطولى ١٨٠ سم. من فضلك زودنى بنظام غذائى مكون من ٣-٤ وجبات، ميكونش فيه أى منتجات ألبان أو أى أطعمة بتعلى السكر فى الدم بنسبة كبيرة

بالشكل ده هيعمل لك نظام دايت مناسب لهدفك، وكمان مش هيدخل لك أغذية بتسبب لك حساسية

الذكاء الإصطناعى ممكن تستشيره فى أشياء كثيرة وإجاباته ذكية جداً ولكن الخطأ وارد وقد يكون فادح

على سبيل المثال إستشرته فى شىء قانونى اليوم بس ولو كنت مشيت على كلامه كان هيكلفنى آلالاف الدولارات

إستخدام الذكاء الإصطناعى وطريقة الكتابة والبحث هى مهارة فى حد ذاتها، لذلك فى قسم كامل جوا

ExpertiseFlow

عاملينه عشان تستغل الذكاء الإصطناعى بحيث تعمل محتوى بأعلى جودة وبأسرع طريقة

فى حلقة يوتيوب هتنزل النهاردة كمان ساعتين، بإذن الله تكون حلقة مفيدة وتعجبكم

أشوفكم فى الإيميل الجى

أخوكم أحمد الحديدى